22 сакавіка мы схіляем галовы ў памяць аб 83-й гадавіне трагедыі ў Хатыні – сімвале бязмежнага болю і мужнасці беларускага народа. Гэтая дата нагадвае нам пра страшныя ахвяры, панесеныя дзеля свабоды, і заклікае берагчы мір.
У 1969 годзе на месцы спаленай вёскі быў адкрыты мемарыяльны комплекс «Хатынь» у памяць аб усіх загінулых у Беларусі. Ён стаў сусветным сімвалам незлічоных ахвяр, пакут і мужнасці беларускага народа ў Вялікай Айчыннай вайне. Гэта адно з самых ушанаваных месцаў у Беларусі.
Мы вельмі ўдзячны ўсім, хто прыняў удзел і даслаў на адрас музея або прынёс у музей фатаграфіі мемарыяльнага комплексу “Хатынь”. Дадзены комплекс вы наведвалі ў розныя гады. Многія з вас успомнілі сваё дзяцінства і юнацтва, змаглі акунуцца ў час маладосці і ў чарговы раз УШАНАВАЦЬ ПАМЯЦЬ аб загінуўшых жыхарах не толькі вёскі Хатынь, але і 12 868 населеных пунктаў Беларусі, якія поўнасцю або часткова былі знішчаны акупантамі і іх памагатымі.
Сёння, у Дзень Хатынскай трагедыі, у наведвальнікаў нашага сайта будзе магчымасць убачыць мемарыяльны комплекс ад пачатку яго ўзнікнення да сённяшняга дня.
Давайце будзем захоўваць беражлівыя адносіны да гістарычнай памяці і не дапусцім адраджэння фашызму! Каб больш ніколі не гінулі дзеці і іх маці! Каб чорнае крыло вайны не дакранулася да нашай Беларусі!
Марыя Арцёмаўна Хацяновіч , 1973 год
Людміла Баягіна, 1974 год
Сям’я Каладзяжных, 1975 год
Кацярына Хоміч (Аслоўская), 2002 год
ДУА “Сярэдняя школа №15 г. Ліды”, 2003 год
Сям’я Петрусевіч, 2025 год
Сям’я Прадка, 2023 год
ДУА “Сярэдняя школа № 17 г. Ліды”, 7 клас, 2025 год
ДУА “Сярэдняя школа №6 г. Ліды імя Н.Б. Куканенкі”, 7-8 класы, 2026 год
