г.Лiда, вул.Перамогi 37а
lixmuseum@mail.ru

  • Русский
  • Беларуская мова
  • English
  • / Архіў / Выпускны 2019

    Выпускны 2019

    Час ляціць імгненна. 4 клас – гэта своеасаблівы рубеж жыцця школьніка, чарговы пройдзены этап на шляху да дасягнення ведаў. Вучні развітваюцца з першай настаўніцай, з пачатковай школай і класам, у якім правялі першыя гады вучобы. І ў гэты час узнікае пытанне пра тое, дзе правесці выпускны для 4 класа так, каб гэта падзея надоўга захавалася ў памяці дзяцей.

    Лідскі музей падрыхтаваў незвычайную праграму для выпускнікоў 4 класа, асноўная задача якой зрабіць свята незабыўным, незвычайным, задзейнічаць кожнага вучня, дазволіць адчуць яму сваю значнасць.

    Праграма складаецца з квэста, гульняў, дыскатэкі і пачастунка (па жаданні). Кожны ўдзельнік атрымае салодкі падарунак і сувенір ад музея.

    Падчас праходжання ўсіх этапаў квэста «Таямнічыя прадметы», рабятам спатрэбіцца спрыт, кемлівасць, уменне працаваць у камандзе, прыязнасць і пачуццё гумару. Якую таямніцу хаваюць музейныя прадметы, трэба будзе даведацца удзельнікам свята.