г.Лiда, вул.Перамогi 37а
lixmuseum@mail.ru

  • Русский
  • Беларуская мова
  • English
  • / Навіны / Музейна-педагагічныя заняткі «Ад Вербніцы да Вялікадня»

    Музейна-педагагічныя заняткі «Ад Вербніцы да Вялікадня»

    Сардэчна запрашаем на музейна-педагагічныя заняткі «Ад Вербніцы да Вялікадня».

    У праграме знаёмства з традыцыямі гэтых вясновых свят – самых светлых у народным календары.
    «За тыдзень – Вялікдзень»,– казалі нашы продкі, асвенціўшы галінкі вярбы ў нядзелю.

    Навошта асвянчалі вярбу? Ад чаго яна аберагала, лячыла?
    Як бацькі выкарыстоўвалі галінкі гэтага дрэўца ў выхаванні сваіх дзетак?
    «За тыдзень – Вялікдзень». А тыдзень гэты называўся Белым. Чаму? У які дзень фарбавалі яечкі?
    Навошта гаспадынькі да свята збіралі шалупінне цыбулі? Што сімвалізуе чырвоны колер пафарбаванага яйка?
    Як сабраць велікодны кошык? Хто такія валачобнікі, жачкі і чаму іх чакалі ў кожнай хаце?

    Адказы на гэтыя і іншыя пытанні атрымаеце ў час заняткаў на інтэрактыўных пляцоўках “ Вясна”,
    “Вербачка-вярба”, “ Святочны стол”, “Велікодныя яечкі”, “ Гульнёвая” .
    Цікавым будзе не толькі паслухаць, як бавілі час нашы продкі на Вялікдзень, а і самім пагуляць у «Біткі»,
    «Качанне яек, стаць удзельнікамі дзіцячага абрадавага гурту “ Жачкі”, а таксама прыгадаць традыцыі замежжа
    і пашукаць, дзе схаваў свае яечкі велікодны трусік.

    Далучайцеся да нашага святочнага настрою!