Атмасферна-этнаграфічная гасцёўня “Час.Традыцыі.Вобразы” запрашае на інтэрактыўную экскурсію “Згадкі з беларускай хаткі”.
Вас чакае падарожжа па стылізаванай прасторы сялянскай хаты, дзе прадметы к. 19 – п. 20 стст. наперабой паспяшаюцца расказаць пра сябе: якую карысць прыносілі сваім гаспадарам, як самі гаспадары да іх адносіліся, у якія прыкметы верылі падчас іх выкарыстання. У інтэрактыўнай частцы будуць і прадметы-загадкі, і пазлы-загадкі! Не прамінем і міфалогію – пазнаёмімся з поўнаўладным гаспадаром чалавечага жытла – Дамавіком.
Запрашаем на сустрэчу з пазнавальным, цікавым, забаўляльным, знаёмым і незвычайным скарбам нашых продкаў.
Не забудзьце запрасіць сваіх сяброў!
