2024 год – юбілейны для Лідскага музея.
24 красавіка 1959 г. у адпаведнасці з Пастановай Савета Міністраў БССР № 80-Р ад 10.02.1959 г. у Лідзе быў урачыста адчынены для наведвання краязнаўчы музей.
Менавіта фонды Лідскага краязнаўчага музея з’яўляюцца асновай фондавага збору ДУ “Лідскі гісторыка-мастацкі музей”.
На выстаўцы прадстаўлены архіўныя фатаграфіі і афішы з выставак і мерапрыемстваў розных гадоў, якія праходзілі ў музеі, Лідскім замку і доме В. Таўлая.
Больш падрабязна пра гісторыю стварэння музея наведвальнікі выстаўкі змогуць даведацца, адсканаваўшы QR-код, які вядзе на сайт музея.
