17 снежня ветэраны-ракетчыкі адзначаюць Дзень РВСП. 16 снежня ў музеі прайшоў урачысты сход, прысвечаны гэтай даце. Перад прысутнымі выступіў старшыня РГА «Ветэраны РВСП» Іван Кірычэнка. Ён павіншаваў ветэранаў з надыходзячым святам, узнагародзіў граматамі актыўных удзельнікаў ветэранскай арганізацыі. Старшы навуковы супрацоўнік музея, Наталля Валынец, прадставіла прысутным мультымедыйную прэзентацыю, якая паказала шматгадовую працу ветэранаў-ракетчыкаў па патрыятычным выхаванні моладзі. Павіншаваць ветэранаў-ракетчыкаў прыйшлі Генеральны дырэктар СТАА Бел-Пласт Інтэрнэшнл Вялікін А.Л., старшыня Лідскай раённай арганізацыі ГА «Беларускі фонд міру» Міранцоў В.К., кіраўнік Лідскай раённай арганізацыі грамадскага аб’яднання «Беларускі саюз афіцэраў», былы ваенны камісар раёна Херман А.В. Мерапрыемства прайшло ў цёплай, сяброўскай атмасферы.
