6 жніўня 2020 г. у цыкле “Жнівеньскія замалёўкі”, на адкрытай пляцоўцы, музейшчыкі ўшаноўвалі прысвятак Барыса і Глеба, якіх сяляне здавён лічылі сваімі апекунамі. Асабліва спадзяваліся на дапамогу ў час жніва. Праўда, у гэты дзень не працавалі, баючыся наклікаць моцныя дажджы, вятры, маланкі.
Мы ж мелі магчымасць расказаць пра мары і спадзяванні селяніна-хлебароба, пра традыцыі, вераванні, звязаныя, у тым ліку, з імёнамі гэтых мучанікаў-страстацерпцаў.
