Вучні ДУ “Сярэдняя школа № 10 г. Ліды” наведалі інтэрактыўны занятак “Згадкі з беларускай хаткі”, які прайшоў на базе атмасферна-этнаграфічнай гасцёўні “Час. Традыцыі. Вобразы”. Міфы і міфічныя істоты хатняй прасторы сталі прадметам размовы на занятку. І не толькі. Стваралі абярэгі, накрывалі стол для Дамавіка і Дамавухі ды частаваліся самі. Дзякуем класнаму кіраўніку Валынец К. В. за жаданне прывіваць сваім вучням цікавасць да народнай творчасці, культурнай спадчыны свайго народа ва ўмовах музея.
